យុទ្ធសាស្ត្រ ៥ យ៉ាងដើម្បីបង្កើនប្រសិទ្ធភាពនៃការដឹកនាំ
តើលោកអ្នកធ្លាប់កត់សម្គាល់ទេថា មេដឹកនាំខ្លះមិនមានគុណសម្បត្តិគ្រប់គ្រាន់ក្នុងការគ្រប់គ្រង ដឹកនាំឡើយ ហើយការងាររបស់ពួកគេមិនមានប្រសិទ្ធភាពទេ ទោះបីជាពួកគេខិតខំប្រឹងប្រែងធ្វើការងារយ៉ាងក៏ដោយ។
ខាងក្រោមនេះគឺជាយុទ្ធសាស្ត្រគន្លឹះខ្លះៗ ដែលលោកអ្នកអាចសិក្សាបាន៖
១. ចាប់ពីថ្ងៃទី១
ភាពជាអ្នកដឹកនាំត្រូវចាប់ផ្ដើមពីថ្ងៃដែលបុគ្គលិកម្នាក់ៗចាប់ផ្ដើមធ្វើការ មិនមែនចាប់ផ្ដើមនៅថ្ងៃដែលពួកគេក្លាយជាអ្នកគ្រប់គ្រង ឬនាយកផ្នែកណាមួយនោះឡើយ។ ហេតុអ្វីបានជាអ្នកត្រូវរង់ចាំ?
២. បំពាក់បំប៉នគុណសម្បត្តិដល់បុគ្គលិក
មនុស្សមិនមែនត្រូវការតែជំនាញបច្ចេកទេសឡើយ ដ្បិតត្រឹមជំនាញបច្ចេកទេសមិនអាចធ្វើឱ្យ មនុស្សម្នាក់ ក្លាយជាមនុស្សដែលមានគុណសម្បត្តិគ្រប់គ្រាន់ទេ។ ក្រៅពីចំណេះបច្ចេកទេស មនុស្សត្រូវការភាពប៉ិនប្រសប់ក្នុងការត្រិះរិះពិចារណា បញ្ញាស្មារតី និងការលើកទឹកចិត្ត។
៣. ជ្រើសរើសផ្អែកលើបុគ្គលិកលក្ខណៈ
ពេលជ្រើសរើសបុគ្គលិក សូមអ្នកកុំផ្ដោតលើសមត្ថភាពខ្លាំងពេក ត្រូវផ្ដោតទៅលើបុគ្គលិកលក្ខណៈជាសំខាន់ ដ្បិតអ្នកអាចបង្វឹកបង្ហាត់ចំណេះដឹងឱ្យពួកគេនៅពេលក្រោយបាន។ ប៉ុន្តែ បើអ្នកជ្រើសរើសមនុស្សដែលគ្មានបុគ្គលិកលក្ខណៈល្អហើយ លោកអ្នកមិនអាចឱ្យពួកគេទទួលខុសត្រូវការងារធំៗឡើយ។
៤. កុំលើកតម្កើងមនុស្សដែលគ្មានសមត្ថភាព
មនុស្សដែលគ្មានសមត្ថភាពមិនត្រូវតម្លើងតួនាទី ឱ្យក្លាយទៅជាប្រធានផ្នែក ឬអ្នកគ្រប់គ្រងឡើយ ព្រោះពួកគេមិនអាចក្លាយទៅជាអ្នកគ្រប់គ្រងដ៏ល្អទេ។
៥. រក្សាគំនិតថា A+B=C
ជាអ្នកគ្រប់គ្រង អ្នកមិនត្រូវអត្តនោម័តតែម្នាក់ឯងឡើយ ព្រោះអ្នកត្រូវគិតថា មនុស្សពីរនាក់មានគំនិតពីរ ប៉ុន្តែបន្ទាប់ពីជជែកពិភាក្សាគ្នា ពួកគេអាចនឹងមានគំនិត៣ បើពួកគេចេះសំយោគគំនិតទាំងពីររបស់ពួកគេនោះ។
No comments:
Post a Comment