យុទ្ធសាស្ត្ររកប្រាក់តាម Online
ការរកប្រាក់កម្រៃតាមប្រព័ន្ធអិនធឺណែត គឺជាកិច្ចការមួយដែលអ្នកអាចធ្វើបាននៅគ្រប់ទីកន្លែង និងគ្រប់ពេលវេលា។ តើធ្វើយ៉ាងណាទើបអាចរកប្រាក់កម្រៃបាន? ខាងក្រោមនេះគឺជាគន្លឹះខ្លះ សម្រាប់ប្រិយមិត្តដែលមានបំណងដែលចង់រកប្រាក់កម្រៃ តាមប្រព័ន្ធអ៊ិនធឺណែត៖
១. ចំណាយពេលទទួលការរិះគន់លើអ្វីដែលអ្នកដាក់លក់មុនពេលចាប់ផ្ដើមទីផ្សារ
បើពឹងផ្អែកទៅលើតែបងប្អូន ក្រុមគ្រួសារ និងមិត្តភក្ដិរបស់អ្នក ការរិះគន់ដើម្បីស្ថាបនានោះគឺមិនល្អប្រសើរឡើយ ដ្បិតពួកគេមានទំនោរ និងមនោសញ្ចេតនាដ៏ជ្រាលជ្រៅចំពោះអ្នក។ ដូច្នេះសូមអ្នកចំណាយពេលទទួលការរិះគន់លើអ្វីដែលអ្នកធ្វើ ពីអ្នកដទៃដូចជាដៃគូជំនួញ និងអតិថិជនរបស់អ្នក។
២. បង្កើតវ៉េបសាយមួយ
ដើម្បីរកប្រាក់ចំណូលបានតាមរយៈ online លោកអ្នកត្រូវមានវ៉ែបសាយផ្ទាល់ខ្លួនមួយ ព្រោះវានឹងជួយធ្វើឱ្យយ៊ីហោរបស់លោកអ្នកមានភាពល្បីល្បាញលឿន និងជាកត្តាទាក់ទាញអ្នកចូលរួមក្នុងការវិនិយោគរបស់អ្នក។
៣. ដឹងអំពីការប្រកួតប្រជែង និងអតិថិជនរបស់អ្នក
មុននឹងចាប់ផ្ដើមធ្វើអ្វីមួយ លោកអ្នកត្រូវសិក្សាអំពីទីផ្សារក្នុងការលក់ផលិតផល ដែលរួមមានទាំងការប្រកួតប្រជែង និងអតិថិជនដែលអាចនឹងប្រើប្រាស់ផលិតផលរបស់អ្នក។
៤. បង្កើតផែនការសកម្មភាពសម្រាប់ការលក់ និងទីផ្សារ
ការរៀបផែនការក៏ជារឿងសំខាន់ដែរ ព្រោះលោកអ្នកមានក្ដីស្រមៃយ៉ាងច្បាស់ មុនពេលដែលអ្នកចាប់ផ្ដើមដំណើររបស់អ្នក។ ការធ្វើបែបនេះ វាបានបញ្ជាក់ថាលោកអ្នកគឺជាមនុស្សដែលស្វាហាប់ក្នុងការឈានឆ្ពោះទៅរកការសម្រេចគោលដៅ។
៥. ធ្វើការងារដោយខ្លួនអ្នកផ្ទាល់ឱ្យបានច្រើនតាមតែអាចធ្វើទៅបាន
ការងាររកប្រាក់កម្រៃតាម online គឺជាកិច្ចការមួយដែលអ្នកអាចធ្វើដោយខ្លួនឯងបាន ដោយមិនចាំបាច់ជួលបុគ្គលិក ឬកិច្ចសហការពីអ្នកដទៃឡើយ។ ត្រូវធ្វើវាឱ្យអស់លទ្ធភាព មុននឹងការស្វែងរកជំនួញពីអ្នកដទៃ ដើម្បីរក្សាប្រាក់កម្រៃរបស់អ្នកឱ្យបានខ្ពស់។
No comments:
Post a Comment